عمرانہ مقصود کا بچپن ہندوستان، یوپی کے شہر بدایوں میں گزرا۔1960ء میں خاندان کے ساتھ پاکستان آ گئیں۔ انہوں نے ٹیلی ویژن کے لیے ڈرامے بھی لکھے۔ ان کی لکھی ہوئی کتابیں بچوں اور بڑوں میں مقبول ہیں۔انھوں اپنے شوہر انور مقصود کی زندگی کے بارے میں اپنی یادداشتوں پر مبنی کتاب الجھے سلجھے انور ‘‘ لکھی۔انہوں نے عامرہ عالم کے ساتھ مل کر ’’کراچی حلوہ اور بدایوں کے پیڑے ‘‘ کے نام سے بدایوں کے سفر کی یادداشتیں بھی تحریر کی ہیں۔ ان کی تحریر کردہ دیگر کتب میںبچوں کے لیے ’پرانی یونیفارم‘، ’جامنی جامن‘، کھانا پکانے کے حوالے سے ’آسان کھانے عمرانہ مقصود کے ساتھ‘، ’سبزیاں پکائیے عمرانہ مقصود کے ساتھ‘، ’صبح کی چائے شام کا ناشتہ: عمرانہ مقصود‘ کے ساتھ شامل ہیں۔انھیں نیشنل بک فائونڈیشن کی جانب سے تین بار بہترین کتاب کے ایوارڈ سے بھی نوازا جا چکا ہے۔