سبط حسن31 جولائی، 1912ء کو اعظم گڑھ میں  پیدا ہوئے۔ وہ علی گڑھ مسلم یونیورسٹی کے فارغ التحصیل  تھے جہاں ان کے ساتھو ں میں علی سردار جعفری، اسرار الحق مجاز، خواجہ احمد عباس، اختر الایمان اور اختر حسن  رائے پوری جیسے افراد شامل تھے۔ کم و بیش اسی زمانے میں ان افراد نے سید سجاد ظہر  کی قیادت میں اردو کی ترقی پسند تحریک کا آغاز کیا جو دیکھتے ہی دیکھتے اردو کی سب سے مقبول اور ہمہ گر تحریک بن گئی۔
سبط  حسن نے عملی زندگی کا آغاز صحافت سے کیا اور وہ پاتم، ناا ادب اور نیشنل  ہیرالڈ جسے  رسالوں اور اخبار سے وابستہ رہے۔ تقسیم ہند کے بعد وہ لاہور میں اقامت پزیر ہوئے جہاں انہوں نے 1957ء میں افتخار الدین کے اہتمام میں  ہفت روزہ لیل و نہار جاری کیا۔ جب افتخار الدین کے ادارے کو صدر ایوب خان کی حکومت نے جبری طور پر قومی تحویل مں  لیا تو سبط حسن لیل و نہار کی ادارت سے مستعفی ہوگئے اور 1965ء میں کراچی منتقل ہوگئے  
کراچی میں سبط  حسن نے اپنا زیادہ تر وقت تصنیف و تالیف میں بسر کیا  اور اس دوران ماضی کے مزار، موسیٰ سے مارکس تک، پاکستان میں تہذیب کا ارتقا، انقلاب ایران، کارل مارکس، ادب اور روشن خیالی، مارکس اور مشرق، افکارِ تازہ، بھگت سنگھہ اور اس کے ساتھی، سخن در سخن، شہرِ نگاراں اور نوید فکر جیسی خالص علمی اور فکری تصانیف پیش کیں۔
 1975ء میں انہوں نے کراچی سے پاکستانی ادب کے نام سے ایک ادبی جریدہ بھی جاری کیا۔ 
اگست 1985ء میں لندن میں، مارچ 1986ء میں کراچی میں اور اپریل 1986ء میں  لکھنؤ میں ترقی پسند تحریک کی گولڈن جوبلی منائی گئی تو سبط  حسن نے ان تینوں تقریبات میں، فعال کردار ادا کیا۔ وہ بھارت میں، منعقد ہونے والی تقریب میں شرکت کے لیے گئے ہوئے تھے کہ 20 اپریل 1986ء کو دہلی میں ان کا انتقال ہوگیا۔