Siyah Heere

یہ تو معلوم تھا کہ ثمینہ نے چند برس مغربی افریقہ ( گِنی ) میں تدریس کرتے گزارے ہیں ۔مگر انھوں نے اس تجربے کو اپنی خوردبینی نگاہ اور فوٹو گرافک قلم کے ذریعے اس قدر گھول کے پی لیا ہو کہ کسی مختصر کہانی کے بجائے ایک پورا ناول وجود میں آ جائے گا ۔اور وہ بھی ایسا  جسے پڑھ کے لگے کہ اس لکھاری کی روح میں افریقہ کا ماضی اور حال بس چکا ہے۔ ایک حیرت ناک ‘‘پڑہتی تجربہ’’ ہے ۔
 تصور کریں کہ جس لکھاری نے مطالعہ حشرات الارض کی اعلی ڈگری لی ہوئی ہو ۔جسے مغربی افریقہ میں بولی جانے والی فرانسیسی پر دسترس ہو۔جس کا افریقی روز مرہ زندگی سے رابطہ درس و تدریس اور گھومنے پھرنے کے ذریعے رہا ہو۔جس نے وہاں کے کرداروں کو کینوس کیا ہو ، جو وہاں کے مقامی امرا کی نفسیات ، سیاست ، چکر بازیوں سے بھی واقف ہو۔جس نے نوآبادیاتی زخم بھی کریدنے  کی کوشش کی ہو ۔جو جنوبی ایشیائی بزنس کمیونٹی کے داؤ پیچ  سے بھی متعارف رہی ہو ۔اس نے اپنے افریقی و ایشیائی و یورپی کرداروں کی مدد سے اس ناول میں کیسا ادھ بدھ مکڑی کا جالا بنا ہوگا۔
مجھے کہا جائے کہ آخری سطر ختم کرنے کے بعد ایک لفظ میں اپنی کیفیت بیان کروں، تو وہ لفظ ہے ‘‘شدر!’’
وسعت اللہ خان